مُحاوَلِة ثورا
بَطَّلْتْ عم بعرف شو عم بِصير... هيدا لّي بِقول كَبِّرا بْتِكبَر وزَغِّرا بتِزغر... وهيداك لّي بِقِلّو بس إزا ما كِبرِتْ ما بتِزغر، وبين الزغيري والكبيري ضاعِتْ الطّاصي وضِعنا مَعا. مَنّي خبيرا بالثورات... بس خبيرا بِإحساسي... مَنّي خبيرا بالثورات على صعيد بلدان... بس خبيرا بِثورتي عَ حالي... بهالثورا لّي إلي زمان ماشيي فِيا وبعد ما خُلصِتْ، وما رح تخلص، عْرِفت إنّو أوّل مطرح لازم إتوَجَّهلو وفتّش في هوّي الفكر... ما بعرف إزا حدا ألّي هل حقيقة، أو كان إحساس هبط عْلَيي من شي سما، بس بعرف إنّو الأرار لّي أخَدتو بعد ما نْدِمتْ علَي... ومْكَفِيي ثورتي، بِفِكري، عَ حالي.